Биласизми? ПСЖ 2015 йил ўз майдонида фақат бир марта ютқазди

Энди клублар 2016 йил январь ойида чемпионат ўйинларини давом эттиришади.

Парижнинг ПСЖ клуби учун 2015 йил ажойиб ўтди. Лоран Блан бошчилигидаги жамоа бу йил 59та расмий ўйин ўтказди ва 5 марта мағлубиятга учради холос. Париж клуби Франция чемпионати доирасида январь ойида "Бастия"га, март ойида "Бордо"га имкониятни бой берди. ЕЧЛ доирасида апрелда "Барселона"га икки марта ва ноябрь ойида "Реал"га мағлуб бўлди.

Эътиборлиси ПСЖ 2015 йилда ўз стадионида бўлиб ўтган 29та ўйиннинг фақат биттасида (!!!)ютқазди. Юқорида айтганимиздек, "Барселона" апрель ойида ЕЧЛ чорак финали доирасида "Парк де Пренс"да ПСЖни 3:1 ҳисобида мағлуб этганди. Бу ПСЖ учун бу йилда ўз уйидаги ягона мағубият сифатида қайд этилди.

Париж клуби бу йилги мавсумнинг 19та турида 16та ғалаба ва 3та дуранг қайд этди. Мағлубиятсиз бораётган жамоа 51 очко тўплаб Франция чемпионати рекордини ўрнатди. Бунга қадар ҳеч бир клуб биринчи даврада бунчалик кўп очко тўпламаган.