Бекхэм клуби MLSда қачон дебют қилади?
06 dec 2019 12:21
News

Бекхэм клуби MLSда қачон дебют қилади?

Майамининг "Интер" клуби ўзининг MLSдаги дебют кунини аниқлаб олди.

Лига, жамоа чемпионатдаги иштирокини 2020 йил 1 мартда "Лос-Анжелес"га қарши меҳмонда бошлашини эълон қилди.

"Интер" ўз майдонидаги биринчи ўйинни эса 14 март куни "Лос-Анжелес Гэлакси"га қарши ўтказади.

Эслатиб ўтамиз, клуб асосчиси ва унинг эгаси Англия терма жамоаси собиқ сардори Дэвид Бекхэм саналади. Собиқ футболчи клуб яратиш лойиҳасини олти йил олдин бошлаган.

"Интер" ўз уй ўйинларини Форт-Лодердейлдаги 19 минг ўринли янги стадионда ўтказади ва бир неча йиллардан кейин Майами шаҳридаги аренага кўчиб ўтиши кўзда тутилган, у 26 минг томошабинга мўлжалланган бўлади ва 2026 йилги Жаҳон чемпионати стадионлари рўйхатидан жой олган.

Link :

Source : АS

Receive latest football news directly on your phone. Subscribe for our Telegram channel!

Rating: +6