Беҳзод Назаров: "Тошкент дербисидан ҳужумкор ўйин кутаяпман"

Дастлаб "Пахтакор" клуби матбуот хизмати вакили Беҳзод Назаров билан суҳбатлашдик.

"Бу жамоалар ўртасидаги ўйинлар доим кескин ва шиддатли ўтади. Бу сафарги ўйин янада аҳамиятли. "Бунёдкор" Осиё чемпионлар лигасига, "Пахтакор" эса чемпионлик учун курашмоқда. Шунинг учун ҳам бугунги ўйиндан ҳужумкор футбол кутяпман".

"Пахтакор" ниманинг эвазига ғолиб бўлиши мумкин? Кучли жамоавий ўйин, ҳимояда бехато ўйин ва вазиятлардан яхшироқ фойдаланиш эвазига. Бу мавсумда умуман олганда "Пахтакор" шу жиҳатлар ҳисобига кучлироқ. Сергеев кўп гол урмоқда, Машарипов керак пайтда ўйинни кучайтиряпти, Соҳибов тобора ишончли ўйнаяпти. Бундан ташқари жамоа Жамшид Искандеровсиз ўйнаганини эсдан чиқаришмаслик керак", - дейди Назаров.