⚡️Бахтиёр Ашурматов "Турон"дан кетдими?
14 apr 2023 14:24
News

⚡️Бахтиёр Ашурматов "Турон"дан кетдими?

Суперлиганинг 6-тури жараёнида яна бир истеъфо юз бериш арафасида турибди.

Чемпионатда муваффақиятсиз иштирок этиб келаётган "Турон" жамоаси бош мураббий Бахтиёр Ашурматовни вазифасидан озод қилиш эҳтимоли борлиги ҳақида хабарлар пайдо бўлди.

Таҳририятимиз мураббий билан боғланганди ва қуйидаги жавобни олди.

"Ҳозир клуб билан гаплашгани кетмоқдаман",- дейди Бахтиёр Ашурматов.

Маълумот учун, мураббий 2022 йилнинг 9 октябрь куни "Турон" устозига айланган, клуб унинг бошчилигида Суперлига ўтиш учрашувида "Локомотив"ни мағлуб этиб элитага қайтганди.

Бироқ жамоа Суперлигада 5-турдан сўнг 2 очко тўплаган ҳолда 13-ўринда бормоқда.

Биздаги маълумотларга қараганда, "Нефтчи" билан ўйин катта эҳтимол билан Бахтиёр Ашурматов учун сўнгги имконият бўлиши, мазкур учрашувдан сўнг мутахассис клубдан кетиши мумкин.