Бахтиёр Ашурматов: "Бугун ҳакам бизни "ўлдир"ди"

"Пахтакор" бугун яхши ўйнади, биз эса ўйин бошидан ҳимояланишга мажбур эдик. "Пахтакор"ни ғалаба билан табриклаган ҳолда шуни айтишим мумкинки, бугун ҳакам бизни мағлубиятга учрашимизни истади. Балки бу гапларим бу ҳакамларга оғир ботар ва кейинги ўйинларда улар менинг жамоамга қарши янада баттар қарорларни чиқарарлар. Аммо мен шу гапни бугун айтишим керак", - дейди Бахтиёр Ашурматов.

- Нима учун тезкорроқ ўйнамадинглар?
- Чунки "Пахтакор" бизни ҳимояланишга мажбур қилди. Агар қизил карточка кўрсатилмаганида иккинчи ҳужумчини туширишни ўйлаб тургандим.

- Пенальти борасидаги вазиятни тўғри баҳолай олдизми?
- Бу вазиятга ҳали эътироз билдирганим йўқ. Чунки видеотасмани кўриб чиқишим керак. Мен бошқа вазиятларда ҳакамга эътироз билдиряпман.

- Жамоангиз жуда кўплаб вазиятларда ўйинни чўзишди. Балки шу нарса ҳакамни шошириб қўйгандир?
- Балки, лекин "Пахтакор"га қарши ўйинда натижага эришишимиз учун шу усулдан фойдаландик. "Пахтакор" каби жамоаларга қарши ўйинда тезда туриб кетиб ўйнаб бўлмайди. Чунки футболчиларимиз чарчаб қолишди. Мағлубиятга учралди, бу учун айбни ўз зиммамга оламан. "Пахтакор"ни ҳам беъэтибор қолдирмаган бўлардим. Уларнинг таркибида ҳақиқатдан ҳам яхши ўйинчилар кўп.

- Иккинчи даврада "Пахтакор"га қарши бошқача тайёргарлик кўрасизми, айнан ҳакамлар борасида?
- Балки мен ҳозир қизишиб кетаётгандирман. Яна ўйинни қайта кўриб чиқишим керак. Балки биз адашаётгандирмиз, балки ҳакам адашган. Уни энди қайта кўрганимдан кейин бир нарса дейишим мумкин.