"Бавария" устози "Барселона" ҳақида: "Уларда пул йўқ, лекин исталган футболчисини сотиб олишяпти"
20 jul 2022 15:35
News

"Бавария" устози "Барселона" ҳақида: "Уларда пул йўқ, лекин исталган футболчисини сотиб олишяпти"

Юлиан Нагельсманн "Барселона"нинг янги ўйинчиларни сотиб олишдаги имкониятларидан ҳайратда.

2014 йилдан бери "Бавария" сафида ўйнаб келган ҳужумчи Роберт Левандовски Каталония клубига ўтди ва 4 йиллик шартнома имзолади.

"Барселона" форварднинг трансфери учун 45 млн евро + 5 млн бонуслар тўлайди.

"Барселона" пули йўқ ягона клуб, лекин ўзи хоҳлаган исталган ўйинчини сотиб оляпти. Улар буни қандай қилаётганини билмайман. Бу бироз ғалати ва бироз ақлдан оздиради.
Ҳужумингда Робертдек футболчи бўлса, кўпроқ қанотлар орқали ўйнайсан.
Энди бизнинг ўйин услубимиз ўзгаради. Янги "Бавария" пайдо бўлади. Бу чақирув, мен эса чақирувларни севаман. Биз янги йўлларни топишимиз ва креатив бўлишимиз лозим", - деди "Бавария" бош мураббийи.