"Бавария" Лондон клуби футболчисига деярли 70 млн евро тўлашга тайёр
13 may 2024 01:21
News

"Бавария" Лондон клуби футболчисига деярли 70 млн евро тўлашга тайёр

"Бавария" "Кристал Пэлас"нинг 20 ёшли марказий ярим ҳимоячиси Адам Уортонга қизиқмоқда ва у учун 60 млн фунт (69,6 млн евро) таклиф қилишга тайёр.

Мюнхен клуби сўнгги 18 ой давомида Уортоннинг фаолиятини кузатиб келмоқда. Қайд этилишича, "Бавария" бунгача инглиз футболчиси билан шартнома имзолашга уринган, аммо бу муваффақиятсиз кечганди.

Уортон жорий мавсум барча мусобақаларда 44та ўйинда майдонга тушиб, 2та гол ва 6та ассист қайд этди. Ўйинчининг клуб билан амалдаги меҳнат шартномаси 2029 йилнинг ёзига қадар мўлжалланган.