"Бавария" "Ливерпуль"га Диас учун 70 миллион евро ва бонуслар таклиф қилади

Аввалроқ "Ливерпуль" вингерни 67,5 миллион еврога сотишдан бош тортгани хабар қилинган эди.

ESPN маълумотларига кўра, "Бавария" Диас учун 70 миллион евро ва бонуслар таклиф қилади. Мюнхенликлар колумбияликни трансфер бозоридаги асосий мақсад деб билади.

Шунингдек, "Ливерпуль" аввал "Барселона"нинг тахминан 65 миллион фунт (75 миллион евродан кўпроқ) миқдоридаги таклифини рад этгани, кейин каталонликлар Диасни имзолашдан воз кечиб, бошқа вариантларга эътибор қаратгани айтилмоқда.

Трансфер ойнасининг ёпилиши яқинлашиши билан мерсисайдликлар баъзи шартларини пасайтириши мумкин.