“Барселона” триоси Каталония дербисини ўтказиб юбориши мумкин

“Кўканорранглилар”нинг асосий ҳужумчилари турли сабабларга кўра, ЛаЛиганинг 29-тур “Эспаньол”га қарши баҳсни ўтказиб юбориши кутилмоқда.

Жумладан, Луис Суарез “Бетис” билан учрашувда (4:1) оёғи лат егани боис 10-15 кун даволанади. Усмон Дембеле эса ЕЧЛнинг “Лион”га қарши жавоб баҳсида (5:1) оёғининг сон қисмидан орттириб олган оғриғи туфайли дербида қатнаша олмаслиги мумкин. Шунингдек, клуб сардори Лионель Месси Аргентина терма жамоаси билан Венесуэлага қарши ўтказган ўртоқлик ўйинида (1:3) жароҳат олган. Мессининг қачон тикланиши эса ҳозирча аниқ эмас.

Эслатиб ўтамиз, “Барселона” ва “Эспаньол” ўртасидаги тўқнашув 30-март куни, Тошкент вақти билан 20:15да бошланади.