Баҳрайн бош мураббийи: "Таркибимиздаги 80 фоиз футболчи ҳаваскор"

"Бугун Осиёнинг энг кучли жамоаларидан бирига қарши ўйнадик. 90 дақиқадан сўнг ҳисоб 1:1 эди. Жуда қийин ўйин бўлди. Бундай кучли жамоага қарши муносиб ўйнадик. Жамоамдаги 80 фоиз футболчи ҳаваскор, уларнинг бошқа иши ҳам бор. Улар Жанубий Корея билан тенгма тенг ўйнашди. Ишлашда давом этишимиз керак, шунда бизни ёрқин келажак кутмоқда. Асосий вақт тугагач кўпчилик пенальтилар серияси ҳақида ўйлаб қолган бўлсангиз керак. Аммо олдинда қўшимча таймлар бор эди. Бу биз учун катта тажриба. Энди футболчиларим ўзига янада кўпроқ ишонади. 

Учрашувдан кейин статистикани кўрдим, бурчак тўплари ва дарвозага берилган зарбалар бўйича устунлик қилибмиз. Бугун Корея кучли бўлгани учун эмас, ақлли ўйнагани учун ютди.

Бир ҳафтадан кейин менинг шартномам тугайди. Келажагим ҳақида билмайман. Баҳрайнда қоламанми ёки йўқми ҳозирча билмайман. Барчаси раҳбариятнинг қарорига боғлиқ.

Фаолиятим давомида биринчи марта қўшимча таймда дарвозабонни алмаштиришимга тўғри келди", - дейди Соукуп.