Баҳодир Ҳакимқулов: "Кубок ўйинлари давомида тажриба тўпладик"
27 apr 11:09
News

Баҳодир Ҳакимқулов: "Кубок ўйинлари давомида тажриба тўпладик"

Ўзбекистон кубогининг 3-туридан ўрин олган "Дўстлик" - "Сирдарё ФА" (5:1) учрашувидан сўнг меҳмонлар бош мураббийи Баҳодир Ҳакимқулов ўз фикрларини билдириб ўтди.

"Бугунги учрашув олдидан "Дўстлик"да ҳам, бизда ҳам навбатдаги босқич учун имконият қолмаганди. Кубок ўйинлари биз учун катта тажриба бўлди. Суперлига ва Про-лига жамоаларига қарши ўйнадик, хулоса ва таҳлилларимиз бор.

Биринчи лигада юқори ўринлар учун курашамиз. Чемпионатнинг дастлабки турида ғалабага эришдик. Таркибмизда 17-18 ёшли футболчилар яхши таасурот қолдиришаяпти.

Ҳозир Гулистон шаҳри марказида янги замонавий стадион қуриш ишлари бошланди. Сирдарёга катта футбол қайтади, биз бу борада ишлашдан тўхтамаймиз" - дейди сирдарёликлар бош мураббийи.