Аъзам Алиев: “Вазиятларнинг фақат 3тасидан фойдаландик холос”
28 nov 2016 18:06
News

Аъзам Алиев: “Вазиятларнинг фақат 3тасидан фойдаландик холос”

Бугун олий лига ўтиш баҳсида Наманганнинг “Навбаҳор” ҳамда “Норин” жамоалари ўзаро баҳс олиб боришди. Ушбу учрашувда “Навбаҳор” клубининг қўли баланд келди (3:1).

Қизиқарли кечган баҳсдан сўнг “Навбаҳор” жамоаси футболчиси Аъзам Алиев ўз фикрлари билан ўртоқлашди.

“Учрашув жуда ҳам қийин ўтди. Майдон деярли қордан куралмаган эди. Шундай бўлсада қўлимиздан келганча ғалаба қозониш учун бор кучимиз билан ҳаракат қилдик. Голга тортадиган бир қатор вазиятлар ярата олдик. Улардан фақат 3тасидан унумли фойдалана олдик холос.

Жамоадошим майдондан четлатилганидан сўнг бироз ноқулай ҳолатга тушиб қолдик. Бизни қўллаб-қувватлаш учун стадионга ташриф буюрган мухлисларга катта раҳмат айтаман”, - дейди “Навбаҳор” футболчиси Аъзам Алиев.

Жаҳонгир Сотволдиев