Ахрол Рисқуллаев: "Орадаги танаффус фаолиятимга таъсир ўтказмайди"

ва жамоасини бир неча бор сардор сифатида майдонга бошлаб тушган Аҳрол Рисқуллаев чемпионатнинг иккинчи даврасини муаммолар туфайли майдондан ташқарида ўтказди.Ҳозирда Наманганнинг "Навбаҳор" клуби машғулотларида иштирок этаётган Рисқуллаев "CА" учун интервью бериб ўтди.

-  Айни вақтда "Навбаҳор" жамоаси йиғинида иштирок этмоқдасиз. Бу жамоа сиз учун албатта нотаниш эмасдир?

Ҳа албатта ҳозирда "Навбаҳор"нинг йиғинларида иштирок этмоқдаман. Ҳали жамоада қолишим маълум бўлгани йўқ. Мен учун "Навбаҳор"дан яхши хотиралар қолган. Бу жамоа мен учун бегона эмас. Намангандаги йиғинни якунладик энди Тошкентда йиғинни бошлаймиз. У ердаги йиғиндан сўнг жамоада кимлар қолиши маълум бўлади.

- Бизга маълумки сиз ўтган мавсумни иккинчи қисмини футболдан ташқарида ўтказдингиз. Бу сизнинг фаолиятингиз учун қай даражада таъсир ўтказди ?

Бундай ҳолат кутилмаганда содир бўлган бўлсада мени фаолиятимга таъсир ўтказгани йўқ. Футболчи учун энг муҳими бу ўз устида ишлашдир. Футболдан умуман ташқарида бўлдим дея олмайман. Аксинча ўзим учун, жисмоний ҳолатимни ушлаб туриш учун доимий ва ҳар доимгидан кўпроқ ишладим. Ўйлашимча бундай ҳолат кўпроқ ёш футболчиларга таъсир ўтказиши мумкин лекин биз аллақачон футболдан тажриба тўплаб олдик. Катта ўйинсиз қолганим бу ёмон албатта лекин ушбу йиғинлар давомида фаолиятимни тўлиқ тикламоқдаман.


- "Динамо"да бўлиб ўтган вазият бўйича сиздан изоҳ сўрардик. Бу қандай содир бўлган? (тах. Ўтган мавсумда Ахрол Рисқуллаев "Динамо" жамоасида биринчи даврани ўтказди ва икки даврани дисфликация туфайли майдонга туша оламади)

Бу воқеалар бўлиб ўтди ва энди нафақат эслаш ёки кимнидир айтиб ўтишдан умуман маъно йўқ деб биламан. Бу кимгадир керак бўлди ва содир бўлди. Фақат мен билан содир бўлганда ҳам буни оддий қабул қилиш мумкин эди лекин яна бошқаларга ҳам таъсир ўтказгани бу бир кишини иши ва кимдир бундан маанфатдор бўлди. Ҳар кимни виждонига ҳавола ва кимда гуноҳ бўлса ўша инсон бир кун албатта жазоланади.

- Энди навбатдаги мавсум учун режалар қандай?

"Навбаҳор" жамоаси билан ҳар бир учрашувда ғалаба қозонишни истайман. Бу жамоанинг ғалабаларига ўз ҳиссамни қўшмоқчиман.

Ҳумоюн Давуров суҳбатлашди