"Атлетико" ўз мухлисларининг хоҳишига кўра эски логотипига қайтади

"Атлетико Мадрид" клуби ўзининг эски логотипига қайтади. Клуб бу қарорга мухлислар овоз берган сўровнома натижаларидан сўнг келган. Сўровномада 138881 нафар "Атлетико" мухлиси қатнашди. Уларнинг 88,68% қисми эски логотипга овоз берган. Энди "Атлетико Мадрид" клуби 2024-2025 йилги мавсумдан (2024 йилнинг 1 июль санасидан) бошлаб ўзининг эски рамзида ҳаракат қилади. Қайд этиш жоизки, клуб тақдим қилган лого эски логодан кичик фарққа эга – сариқ хошия олиб ташланган.  

Ҳозирги логотип:

2024 йилда янгиланадиган логотип:

Эслатиб ўтамиз, "Атлетико" 2017 йилда ўзининг янги логотипини эълон қилганди.