"Атлетико" голи бекор қилиниши, Хименес четлатилиши ва пенальти қўйилиши керак эди". "Реал"дагилар ҳакамликдан норози бўлишяпти

Мадрид дербисида "Реал" 1:3 ҳисобида "Атлетико"га мағлуб бўлди. Бу жамоанинг жорий мавсумдаги дастлабки мағлубияти.

Ўйин давомида "Реал" телевидениясидаги шарҳловчилар Хавьер Рохас Альберола қарорларидан норози бўлишди. Гап "Атлетико" голи олдидан Жуд Беллингемга бўлган эҳтимолий фол, голнинг бекор қилиниши, Хосе Мария Хименеснинг қўполлиги учун кўрсатилиши керак деб ҳисоблашаётган қизил карточка ва Марио Эрмосонинг ўз жарима майдончаси ичида қўл билан ўйнагани ҳақида кетмоқда.

Баҳснинг 4-дақиқасида Альваро Моратанинг голи ҳисобланиши жиддий танқид қилинди. "Бу хато. Таблода ҳисоб ўзгармаслиги керак эди. ВАР вазиятни кўрмади. "Реал" фойдасига жарима зарбаси ўрнига дарвозамизга гол" - деди шарҳловчи.

Кейин эфир давмида "Реал"нинг 44-дақиқада урган голи муҳокама қилинди. "Вазиятга аралашмага Рюдигер туфайли Камавинганинг голи бекор қилинди. Альбероладан яна бир хато ва у фақат бир жамоа зарарига ишлаяпти, ВАРдаги Клос Гомес эса вазиятларга аралашмаяпти".

Кейинроқ "Реал" телевиденияси эфирда Хименесга қизил карточка кўрсатилиши ва Эрмосо ўз жарима майдончаси ичида қўл билан ўйнагани учун пенальти берилиши кераклиги айтилди.

"Хименес сўнгги ҳимоячи ролида қўпол ўйнади. Унга фақат сариқ карточка кўрсатилди. Қизил берилиши керак эди. Кейин Марио Эрмосо вазиятида тўп унинг қўлига тегди, пенальти белгиланмади, ҳеч ким ҳатто кўриб ҳам чиқмади".