Асрор Алиқулов: "Дастлабки дақиқларда устунликка эга бўлаётгандик"

Ўйин ҳақида

- Биз дастлабки дақиқаларда тўп назорати ва устунликка эга бўлаётгандик. Бирга-вазият ҳам яратдик, ўйин давомида "Янгиер"да ҳам фаоллик ошди. Қарши ҳужумларда имконият яратдик, гол урдик. Бироқ сўнги дақиқаларда ўз дарвозамиздан гол ўтказиб юбордик ва дуранг натижа қайд этдик.

- 90+3 дақиқадаги ўзгаришларнинг сабаби нимада эди?

- Мақсад ҳужум чизиғида босимни ошириш эди. Биз узун узатмаларга қарши кўрсатма бергандик. Бироқ сўнги дақиқаларда жарима майдони ичкарисида йўл қўйилган хато эвазига гол ўтказиб юбордик.

- “Шўртан" 27-августдан буён мағлуб бўлгани йўқ. Жамоа ҳозир қуйи бешликда 1-ўринни эгаллаб турибди. Сўнги ўйинларда ёшларга имкон бериш варианти борми?

- Бизда ўзи аксарият ёш футболчилар ўйнайди. Ротацияларга ҳам қўл уриб турибмиз. Ёш футболчилар жамоа фалсафасига мослашишлари учун бир оз вақт керак.