Асрор Алиқулов: "Бизга бу ўйинда иккинчи куч етишмади"

Ўйин ҳақида

- Ўйинга тайёргарлик жараёнида футболчиларга босимни енгиш ҳақида тушунчалар бергандик. Футболчидаги хотиржамлик жамоа ижобий натижасига ўз ҳиссасини қўшади. Биринчи бўлимда кўп хатоларга йўл қўйдик. Иккинчи бўлимда оддий вазиятда гол ўтказиб юбордик. Кейин ҳисобни тенглаштириш учун олдинга ўтдик. Бизда футболчиларда юзага келадиган иккинчи куч етишмади.

- "Машъал"нинг қўқонликларга қарши натижаси яхши эмас. Лекин жамоангиз жадвалда "Қўқон-1912"да олдинда. Бу ниманинг ҳисобига?

- "Қўқон-1912"га қарши ўйинларда вазиятлар яратаяпмиз. Масалан ўтган ўйинда бу жамоа дарвозасига 2 та гол урдик. Бироқ, 3 та гол ўтказиб юбордик. Бу кўп албатта. Бугун ҳар икки жамоада камсонли вазиятлар бўлди. Лекин голни биз эмас, қўқонликлар уришди.

- Жамоа таркибига янги келиб қўшилган футболчилардан нега фойдаланмадингиз?

- Янги футболчиларнинг айримларида жароҳат бор. Улар ҳозир тўла-тўкис тайёр эмас. Уларга кейинги ўйинларда имконият берамиз.