Latest news

00:52Давид Райя: "Янги тўплар эскисидан фарқ қилади"  0 00:14Бундеслига. "Боруссия" Д йирик ғалабага эришди  0 23:45А Серия. "Ювентус" 2-турда ҳам ғалабага эришди  3 23:40ЛаЛига. "Райо Вальекано" - "Барселона" баҳси асосий таркиблари маълум!  3 23:30Абдуқодир Ҳусанов "CAFA Nations Cup" мусобақасида ўйнайдими?  3 23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  35 22:55"Севинч" тарих яратди ва ОЧЛга йўлланма олди!  4 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  20 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  39 21:53"Манчестер Юнайтед" янги дарвозабони билан келишувга эришди  7 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  14 21:11"Арсенал" ҳар турда йўқотишларга учрамоқда  1 20:50"Манчестер Сити" АПЛнинг дастлабки уч ўйинининг иккитасида мағлуб бўлди  3 20:15"Челси" - "Фулхэм" ўйини ҳаками четлатилди  4

Артём Потапов: "Суперлига савияси мени хайрон қолдирди. Менимча, у Қозоғистон чемпионатидан кучлироқ" News

Артём Потапов: "Суперлига савияси мени хайрон қолдирди. Менимча, у Қозоғистон чемпионатидан кучлироқ"

"Сурхон" дарвозабони Артём Потапов Championat.asia мухбири Николай Егоричевга қисқача интервью берди.

- Учрашув ҳақида нима дея оласиз?

- "Бунёдкор" тажрибалироқ жамоа бўлгани учун қийинроқ бўлди. Умуман, менга бу жамоа ҳақида шундай дейишганди, чунки ҳали бошқа жамоалар ва футболчиларни тўлиқ ўрганишга улгурмадим. Лекин "Бунёдкор"нинг мавсум бошидаги натижалари жиддий рақиб эканлигидан далолат берарди. Четлатиш, албатта ўйинга таъсир қилди. Боиси, қизил карточкадан олдин биз рақибдан анча кучлироқ ўйнадик. Ҳақли равишда ғалабага эришдик деб ўйлайман.

- Жамоага яқинда келганингизга қарамай, сардорлик боғичини олдингиз. Бу қандай содир бўлди?

- Мураббийлар штаби шундай қарорга келди. Мавсумнинг илк ўйини олдидан сардорлик боғичини менга ишониб топширишди. Нима учун мени танлашганини билмайман.

- Фаолиятингиз давомида кўп жойларда ўйнагансиз. Европада, Россия ва бошқа мамлакатларда. Чемпионатимизни қайси мамлакатники билан солиштириш мумкин?

- Яхши савол. Тўғрисини айтсам, бу ерга келганимда футбол стилистик жиҳатдан бироз бошқача деб ўйлагандим. Осиёлик футболчилар кўпинча чаққон, озғин. Аммо хайратда қолдим. Курашлар кўп, ҳиссиётлар бисёр. Жамоалар ўзгача ўйнайди. Умуман олганда, чемпионат менга ёқди. Яхшигина тезлик бор, ҳамма охиригача курашади. Исталган жамоа бир-биридан очко олиши мумкин. Аниқ савия ҳақида гапирадиган бўлсам, Суперлига ҳозир Қозоғистон чемпионатидан кучлироқ эканлигига ишончим комил. Ҳатто инфратузилма жиҳатдан ҳам. Кичик шаҳарларга келганимда Арманистонда, Қозоғистонда ҳатто Россияда ҳам, масалан, ФНЛда бўлмаган яхши стадионлар, сифатли табиий майдонларни кўраман. 

- Сизнингча, "Сурхон" чемпионатни қайси ўринда тугата олади?

- Менимча, йигитларнинг ўзлари ҳали нималарга қодирлигини тўлиқ кўрсатишгани йўқ. Кўп ёшлар мамлакатнинг энг яхши академияларидан ўтишган. Ҳамма нарса ўзимизга боғлиқ. Мақсадимизни чеклаб қўймасак, дейлик кучли бешликка кира оламиз.


Николай Егоричев суҳбатлашди

Rating: +12   

Comments

championat.asia
< show latest news
Яндекс.Метрика