Артур Юнусов ОЧда Вьетнам клубида ўйнайди
24 jun 2015 13:33
News

Артур Юнусов ОЧда Вьетнам клубида ўйнайди

Футзал бўйича Ўзбекистон терма жамоаси сардори Артур Юнусов фаолиятини Вьетнам чемпионатида давом эттиради.

Юнусов Вьетнам шарафини клублар ўртасидаги Осиё чемпионатида ҳимоя қилувчи “Тай Сон Нам” жамоаси билан қисқа муддатли (тахминан 2 ой) шартнома имзолади.

“Тай Сон Нам” ўз гуруҳида Ливан ва Хитой чемпионлари билан плей-оффга бериладиган йўлланмалар учун баҳс олиб боради. Гуруҳ босқич ўйинлари 29 июль куни Эроннинг Исфахон шаҳрида старт олади. Айни пайтда Юнусов Хошимин шаҳрида янги клуби таркибида машғулот ўтказяпти. Артурдан ташқари “Тай Сон Нам” таркибида Испания терма жамоаси етакчи футзалчиси ҳам бор.

“Ҳозир Хошимин шаҳрида кунига икки маҳалдан машғулот ўтказяпмиз. 5 июль куни Таиландга бир ҳафталик йиғин ташкил этиш учун борамиз. Кейин яна Вьетнамга қайтиб, сўнгги ўқув-машғулот йиғинига киришамиз ва Исфахонга йўл оламиз”, - деди Юнусов сайтимизга берган интервьюсида.

Link :

Source : olamsport.com

Receive latest football news directly on your phone. Subscribe for our Telegram channel!

Rating: