Latest news

02:36ЖЧ-2026 саралаши. БАА Ўзбекистон ва Қирғизистонга қарши ўйинлар учун таркибини эълон қилди  7 02:29Баҳром Ҳайдаров: "Навбаҳор" каби жамоага қарши ўйинда 0:3 ҳисобидан кейин ўйинга қайта олиш жуда қийин"  1 02:25Ла Лига. "Барселона" мавсумдаги сўнгги ўйинда меҳмонда "Атлетик"ни йирик ҳисобда мағлуб этди  10 02:11А Серия. "Рома" сўнгги турда "Торино"ни мағлуб этди, аммо параллель ўйинда "Юве" меҳмонда "Венеция"ни мағлуб этиб, тўртинчи ўрин билан ЧЛга йўл олди  33 01:32Сергей Лушан: "Мен бу масалада ҳоким билан кўп гаплашганман. Буни аллақачон амалга ошириш керак эди"  1 01:11Гёкереш "Спортинг" ва Швеция сафида мавсумдаги 63-голини урди - бу сафар Португалия кубоги финалининг 100-дақиқасида пенальти орқали  0 00:53Камолиддин Тожиев: "Муҳими уч очкони қўлга киритдик. Ўн нафар футболчимиз терма жамоаларга йўл олишади"  17 00:31Ҳаким Фузайлов: "Жамоам намойиш этган ўйиндан уялмайман"  3 00:24"Ливерпул"га АПЛ ғолиблиги учун кубокни қабул қилиб олди  9 23:32U-17 Жаҳон чемпионатига қуръа ташланди. Ўзбекистон "J" гуруҳидан жой олди  21 23:14Туркия Суперлигаси. "Ризеспор" меҳмонда сенсацион тарзда "Бешиктош"ни таслим этди, Алиқулов сўнгги дақиқаларда майдонга туширилди  0 23:00Суперлига. "Динамо" 90+8-дақиқада камбэк эвазига "Қизилқум"ни мағлуб қилди  39 22:11ҚПЛ. "Турон" ўз уйида "Тобол"га мағлуб бўлди, мезбонлар сафида уч ўзбекистонлик ҳаракат қилди  0 22:06АПЛда 2024/25 йилги мавсум якунланди, МЮ сўнгги турда "Астон Вилла"ни ЧЛсиз қолдирди  42 21:58Суперлига. "Пахтакор" 90+8 дақиқада урилган автогол эвазига "Хоразм"ни мағлуб этди  96

Артур Геворкян: "Туркманистон терма жамоаси учун ўйнашга доим тайёрман" News

Артур Геворкян: "Туркманистон терма жамоаси учун ўйнашга доим тайёрман"

Индонезия чемпионати вакили "Персиб Бандунг"да ҳаракат қилаётган Туркманистон терма жамоаси ҳужумчиси Артур Геворкян "Turkmenportal"га интервью берди.

Суҳбат Туркманистон терма жамоасининг Дубай йиғини олдидан "Ашхобод" стадионида бўлиб ўтди.

- Артур, сиз кўп йиллар ўзбек жамоаларида тўп тепгансиз. Аввалига мавсум бошида "Ахал"га келдингиз, шундан сўнг эса кутилмаганда Индонезияга йўл олдингиз. Трансферингиз ҳақида гапириб беринг.

- "Ахал" билан ўзаро келишган эдик ва Индонезиядан яхши таклиф келиб тушди. "Ахал" мен учун кўп имтиёзлар берди ва вазиятимни тушунди. Бунинг учун уларга раҳмат айтаман.

- 2019 йилги Туркманистон чемпионатида "Ахал" таркибида 2та ўйин ўтказдингиз ва уларда ғалабага эришдингиз. Шундан сўнг эса жамоадан кетдингиз. Туркманистон вице-чемпионида сизни нима қаноатлантирмади?

- "Ахал"да мени ҳамма нарса қониқтирган. Яна қайтариб айтаман, менга хориждан яхши таклиф келиб тушди ва буни клуб билан муҳокама қилганмиз. Биз бир-биримизни тўғри тушундик ва ягона фикрга кела олдик. Шундай экан, мен "Ахал" билан позитив кайфиятда хайрлашдим.

- Индонезия жамоасини қандай топдингиз?

- Менга "Персиб"дан таклиф келиб тушди ва буни қабул қилдим. Аммо Индонезияга кетишдан олдин "Ахал" ва "Персиб" билан ҳамма шартларни таҳлил қилганмиз. Бу бир кун ичида содир бўлмади, бу бир неча кунни ўз ичига олди.

- Индонезия чемпионати қандай? У Туркманистон чемпионатидан қанчалик кучли?

- Мен Индонезия чемпионати кучли ёки кучсиз дея олмайман. Бу жуда ўзгача чемпионат. Иқлими бошқача, умуман олганда ҳаммаси ўзгача. Терма жамоалар даражасини ФИФА рейтингига қараб фарқлашим мумкин. Чемпионатлар эса турлича. Ўзбекистон, Туркманистон, Индонезия, ҳаммаси турлича чемпионатлар.

- Сизни клубда қандай кутиб олишди? Сиз Индонезия клубидаги бугунги ҳолатингиздан мамнунмисиз?

- Ҳа, албатта, яхши қарши олишди. Коллектив ҳам, раҳбарият ҳам жуда яхши. Мен жамоадаги ўрнимдан хурсандман. Охирги ўйинда дуранг қайд этдик, ундан олдин эса ғалаба қозонган эдик. Бу футбол. Кейинги ўйинда ютиш керак ва ҳаммаси яхши бўлади. Жамоа ҳам, коллектив ҳам яхши, вазифа эса юқори. Ишлашда давом этамиз.

- Индонезияда клубга қандай вазифа қўйилган?

- Биринчи вазифа - бу чемпионлик. Бизда яхши футболчилар йиғилган, ҳаммаси кучли. Бизга берилган вазифаларни бажаришга ҳаракат қиламиз.

- Бир неча муддатдан сўнг сизни яна Туркманистон миллий терма жамоасига чақиришди. Терма жамоа йиғинига жалб этилганингиз сиз учун қанчалик кутилмаган бўлди?

- Нимага кутилмаган? Мен ўтиб кетган воқеаларни муҳокама қилишни хоҳламайман. Ҳозир раҳбарият алмашган. Бунгача ҳам мураббийлар штаби алмашган ва мен термада бўлганман. Ҳозир ҳам мураббийлар штаби алмашди ва мени яна терма жамоага чақиришди.

- Туркманистон терма жамоасига хорватиялик мутахассисларнинг тайинлангани сизда қандай таасурот уйғотди?

- Фақат яхши, позитив ва ижобий таасуротлар. Мен яқинда учиб келдим, биз кўришдик ва гаплашдик. Биз бир-биримизни тушундик. Ҳаммаси яхши бўлади деб ўйлайман.

 - Сиз мураббийнинг талабидан сўнг бундан кейин ҳам терма жамоа учун келишга тайёрмисиз?

- Албатта! Мен бутун фаолиятим давомида ҳар доим Туркманистон терма жамоаси учун келишга тайёр бўлганман. Мен терма жамоага чақирилишдан доим мамнун бўлганман. Зеро терма жамоа - мамлакат ғурури. Биринчи навбатда бу ҳаммасидан устунлигини тушуниш керак.

- "Инстаграм" ижтимоий тармоғида сизнинг обуначиларингиз сони 148 мингта. Сиз ўз машҳурлигингизга қандай қарайсиз?

- Йўқ, бу машҳурлик эмас (кулади). Ҳозир шундай вақтки, ёшлар интернетда кўп ўтиради, мен ҳам бундан мустасно эмасман. Мен бу ҳақида кўп ўйламайман, биринчи навбатда - натижа. Ўзингизни алдашингиз эмас, балки ўйнашингиз керак. Мухлислар ва обуначилар келади-кетади. Шунинг учун бу ҳақида кўп ўйлаш керак эмас деб ўйлайман.

Rating: +12   

Comments

championat.asia
< show latest news
Яндекс.Метрика