Артета Поттер ҳақида: "Мағлубиятда бош мураббийнинг оила аъзолари айбдор эмас"

Поттер қўл остида "Челси" сўнгги 11 ўйиннинг фақатгина биттасида ғалабага эришди. Жамоа мухлислари бош мураббийнинг истеъфосини сўрашмоқда.

"Биз, мураббийлар, бу босим, талабларни тўғри тушунамиз. Чунки ўз ишимиз давомида бундай ҳолатларга кўп дуч келамиз. Асосий гап тўпнинг тўрга бориб тушишида, барча асосан шунга эътибор беради. Аммо шундай факторлар борки, уларни фақатгина бир томон назорат қила олмайди. Албатта, мен Поттерга қайғураман, чунки менда ҳам шундай ҳолат бўлган.

Ишимиз давомида кўплаб қийинчиликлар бор. Мағлубият ва ҳатто ғалабалардан кейин ҳам меҳнат қилиш кераклиги, камчиликлар кўриниб қолади. Бироқ бу сабабли бошқа одамни қўрқитиш керак эмас. Мағлубиятда бош мураббийнинг оиласи, дўстлари ёки яқинлари айбдор эмас.

Ўз навбатида менда ҳам барчаси чегарага етиб келган пайтлари бўлган. Шу сабабли бошқа инсонларни ҳам бундай ҳолатда кўриш осон эмас", - деди "Арсенал" устози.