"Арсенал" сув идиш отган мухлисни излаяпти
20 dec 2018 13:12
News

"Арсенал" сув идиш отган мухлисни излаяпти

"Тоттенхэм"га қарши Англия лига Кубоги 1/4 финал баҳсидан сўнг "Арсенал" майдонга сув идиш отган мухлисни аниқлаш учун стадиондан олинган видеолавҳаларни ўрганмоқда.

"Эмирейтс" стадионида бўлиб ўтган баҳс 0:2 ҳисобида меҳмонларнинг ғалабаси билан якунланди.

"Шпорлар" сафида Сон Хён Мин ва Деле Алли гол уришга муваффақ бўлди. Иккинчи тайм ўрталарида "Арсенал" мухлисларидан бири майдонга сув идиш улоқтирди ва у Аллининг бошига тегди. Деле тезда ишқибозларга ўгирилиб, бармоқлари ёрдамида ҳисоб 2:0 эканлигини кўрсатди.