“Арсенал” Ляказеттни бир ярим ойга йўқотди

Бунга футболчининг чап тиззасидан олган жароҳати сабаб бўлди. Клуб расмий сайтида хабар берилишича, франциялик футболчи бугун Лондонда муваффақиятли тарзда артроскопиядан ўтди ва энди 4-6 ҳафта давомида майдонга туша олдмайди. 

Эслатиб ўтамиз, Франция терма жамоасининг 26 ёшли ҳужумчиси ўтган йилнинг июль ойида “Лион” клубидан 53 миллион евро эвазига “Арсенал”га кўчиб ўтганди. Ляказетт ўтган вақт мобайнида “канонирлар” таркибида 29та ўйинда майдонга тушиб, 9та гол киритди ва 4та голга ассистентлик қилди.