"Арсенал" футболчилари тунги клубда азот оксидини ютишган экан (+ФОТО)

Маълумотларга кўра, жорий мавсум стартидан олдин Месут Ўзил, Пьер-Эмерик Обамейянг, Маттео Гендузи, Шкодран Мустафи, Генрих Мхитарян ва "тўпчилар"нинг бошқа футболчилари Лондондаги тунги клубда азот оксидини ютишган экан.

Маълум бўлишича, "қувноқ газ"ли кечада иштирок этган "тўпчилар"нинг баъзи вакиллари хатто хушини йўқотган.

Бундан ташқари, ўша куни "Арсенал" футболчилари "дам олган" ёпиқ кечада 70дан ортиқ аёллар ҳам иштирок этган.

Англия қонунлари бўйича, азот оксидини истеъмол қилиш тақиқланмаган. Бироқ 18 ёшга тўлмаганларга бу мумкин эмас.

Азот оксидининг инсонга таъсири:

- бўшаштиради, одам ўзини хотиржам ҳис қилади

- бош айланади, одам ўйлашга қийналади, бесабаб кула бошлайди

- галюцинация келтириб чиқаради

- бош оғрийди

- хушдан кетиш ёки кислород етишмаслиги туфайли вафот этиш.