“Арсенал” Emirates билан 200 миллион фунтлик шартнома имзолади
19 feb 2018 23:59
News

“Арсенал” Emirates билан 200 миллион фунтлик шартнома имзолади

Лондоннинг “Арсенал” клуби раҳбарияти янги ҳомийлик шартномасига имзо чекди.

Аниқроғи, “Арсенал” клуби Emirates компанияси билан амалдаги келишувни 2023-2024 йилги мавсумга қадар узайтирди. “Канонирлар”нинг компания билан аввалги шартномаси 2019 йилнинг ёзигача тузилган эди.

Associated Press ахборот агентлигининг хабар беришича, янги шартномага кўра “Арсенал” 200 миллион фунт стерлингга эга бўлади. Бу клуб учун рекорд сумма ҳисобланади. 2012 йили “Арсенал” ва Emirates Лондон клуби уй стадионини 2028 йилгача “Эмирейтс” номи билан аталишига эришганди.