Арсен Венгер: “Унда ўзгача иқтидор бор эди"

“Бу хабар мен учун қайғули, чунки Жек қойилмақом футболчи. У мард эди, истеъдодли эди, ҳеч кимдан қўрқмасди, мана нима учун у ёшлигиданоқ порлашини кутгандик. У бошиданоқ асосий футболчига айлана олишини кўрсатди.

Унда ўзгача истеъдод бор эди, аммо жароҳатлари туфайли етарлича ўйнай олмади ва охир-оқибат тўхташга мажбур бўлди. Буни қабул қилиш оғир. Шу туфайли у тўғри қарор қилди деб ҳисоблайман”, дейди Венгер.

Уилшер "Арсенал" клуби тарбияланувчиси ҳисобланади. Лондон клубида ярим ҳимоячи 2008/09 йилги мавсум 16 ёшида дебют қилган ва "канонирлар" сафида жами 197 та ўйин ўтказган.

Футболчи "Болтон", "Борнмут" ва "Вест Хэм" клубларида ҳам тўп тепган. Уилшер Англия терма жамоаси сафида 34 та ўйинда майдонга тушиб, 2 та гол урган.