Арсен Венгер: “Лаказетт ўйиндан-ўйинга кучайиб боряпти”
26 sep 2017 04:16
News

Арсен Венгер: “Лаказетт ўйиндан-ўйинга кучайиб боряпти”

“Арсенал” клуби бош мураббийи Арсен Венгер “Вест Бромвич Альбион” устидан қозонилган ғалаба (2:0)дан сўнг ўз фикри билан ўртоқлашди.

“Эмирейтс — Эшбертон Гроув” стадионида ўтган ўйиндаги ҳар икки гол Александр Ляказетт ҳисобига ёзилганди.

“Меҳмонлар бизга қарши кучли прессинг намойиш этишди. Айниқса, биринчи бўлимда бу яққол кўзга ташланиб қолди. Танаффусдан сўнг ўйин назоратини қўлга олдик. “Альбион” дарвозасига белгиланган пеналти? Мен буни кенг муҳокамага сабаб бўладиган ҳолат деб ҳисобламайман.

Александр Лаказетт ўйиндан-ўйинга кучайиб боряпти. Бу шахсан мени хурсанд қиляпти. Ҳаракатлари ҳам яхши. Унинг Англияга келганига кўп вақт бўлмади. Буни ҳам эсдан чиқармаслик керак. Премьер-лигада жисмоний тайёргарликка қўйиладиган талаб жуда ҳам кучли”, — деди Венгер.