“Арал Самали” бош директори: “Тимур Турдиев четдан бўлса ҳам ўз маслаҳатларини бериб бормоқда”

- Аввало, “Янгиер” жамоасини ғалаба билан табриклайман. Рақиб бутун ўйин давомида катта устунликга эга бўлди. Биласиз, жамоамизда асосан ёшлар тўп тепмоқда. Уларга тажриба етишмаяпти. Шунингдек, йўл чарчоғи ўйинга ўз таъсирини ўтказди. 

- Жамоа 18та ўйинда ўз дарвозасидан 62та тўп олиб чиқди. Ҳимояда ишлар яхши эмаслигиндан далолатми?

- Бунга фақат ҳимоячилар эмас, дарвозабон борасида ҳам муаммо бор. “Янгиер” билан баҳсда ҳам кўрдингизлар, хатолар қилмоқда. Натижада, биринчи бўлимдаёқ уни алмаштирдик. Шунингдек, жамоада асосан 2004 ва 2005 йилларда туғилган футболчилар ўйнамоқда. Барибир уларга тажриба етишмаяпти, Про лига талабига мос келмаяпти. Бу эса натижаларга ўз таъсирини кўрсатмоқда.

- Бош мураббий Тимур Турдиев жамоада кўриниш бермаяпти. Бунга нима сабаб?

- Тимур жамоамиз билан ўйинларга келмасада, четдан туриб машғулотларда ва ўйинларда ўз маслаҳатларини бериб бормоқда. У билан ҳамон шартномамиз бор.