Arabnews.com: "Ўзбекларда салоҳият бор, лекин..."

Сайт ходимлари мақолада "Ал Ҳилол"нинг гуруҳда қолиб кетганига алоҳида тўхталиб, бунга асосий сабаб сифатида Омар Хрбиннинг жароҳат олиб майдонга тушмаганини кўрсатишган.

Шунингдек, мақолада "Ал Айн" етакчиси Омар Абдулраҳмон алоҳида мақтаб кетилган. "Омарнинг ўйини қовушмаса, билингки бу "Ал Айн" натижа кўрсата олмайди деганидир", дейилади мақолада.  

Мақола охирида arabnews.com ўзбек жамоалари ҳақида ҳам фикр юритган. Жумладан сайт шундай ёзади:

"Ўзбеклар яна хафа. Марказий Осиёда футболи энг ривожланган мамлакат бу - Ўзбекистон. Бироқ нимагадир ўзбек клублари ОЧЛда қаторасига икки йилки ўзларини кўрсата олмаяпти. Хоҳ клублар, хоҳ терма жамоа миқёсида Ўзбекистон осонликча таслим бўлмайди. Уларда салоҳият бор, лекин доим нимадир етишмайди. Масалан, миллий терма жамоа бир қадам қолганда Жаҳон чемпионатига чиқа олмади. Клублари ҳам шундай: маррага бир қадам қолганида имкониятни бой бериб қўйишади".