АПЛ мухлислари ўтган мавсумнинг энг яхши футболчисини аниқлашди
06 sep 2023 00:32
News

АПЛ мухлислари ўтган мавсумнинг энг яхши футболчисини аниқлашди

Англия футболи мухлислари Маркус Рэшфордни 2022/23 йилги мавсумнинг энг яхши футболчиси сифатида тан олишди.

Англия профессионал футболчилари ассоциацияси томонидан ўтказилган сўровномада "Манчестер Юнайтед" ҳужумчиси Маркус Рэшфорд 1-ўринни эгаллаган бўлса, Эрлинг Холанд, Кевин де Брюйне, Букайо Сака, Мартин Эдегор ва Харри Кейн каби футболчилар навбатдаги поғоналарда қайд этилишди.

Рэшфорд манкунианликлар футболчиси сифатида ушбу совринга эга чиққан учинчи футболчи ҳисобланади. Бунга қадар Уэйн Руни ҳамда Криштиану Роналду каби футболчилар бу совринга икки мартадан эга чиқишган.

Ўтган мавсумда Рэшфорд АПЛнинг 35 ўйинида қатнашиб, 17 гол ва 5 ассист қайд этди.