Анвар Бердиев: "Бор футболчилар билан мавсумни давом эттирамиз" ёхуд "Истиқлол" жамоаси қайтадан тикланмоқда

Барчасига ойдинлик киритиш мақсадида жамоа мураббийи Анвар Бердиевга юзландик.

"Ҳа, клуб тикланмоқда. Кўп футболчилар кетишди. Қолганлар билан ўйнаймиз. "Истиқлол"ни тикланиши ҳақидаги хабар қувонтирди. Мавсумни жамоада қолган футболчилар билан давом эттирамиз. Бошқа иложимиз йўқ.

Бугун барчаси ҳал бўлди. Эндиликда уй ўйинларини "Истиқлол" стадионида ўтказамиз. Бугун жамоа билан йиғилишни бошладик. Лекин, кетиб қолганлар яхши бўлмади. Етти нафар асосий таркиб футболчиларимиз тарк этишди. Энди қолганлар ва ёш футболчиларимиз билан ўйнашимизга тўғри келади. Ҳомийлик? Ўзимизнинг клубнинг ҳомийлари молиялаштиришда давом этадиган бўлишди. Клубни тиклангани руҳий жиҳатдан мотивация бериши тайин. Лекин, бизга бўлажак ўйинларда осон бўлмайди. Етакчи футболчиларимизсиз қийин бўлади.

Мураббийлар штабида менга дарвозабонлар мураббийи Баҳодир ака Шамшиддинов ёрдам берадилар. Биласиз, Сергей Лебедов "Нефтчи" жамоасига қайтди. Шунинг учун жамоани мен ва Баҳодир ака ўйинларга тайёрлаймиз. Фурсатдан фойдаланиб вилоят ҳокимимизга ва ҳомийларимизга миннтадорчилик билдириб қоламан",- дейди Анвар Бердиев.

Абдулазиз Искандаров ёзиб олди.