Анри: "Кевин – мен кўрган энг ақлли футболчи"

Франциялик футболчи "Манчестер Сити"нинг бельгиялик ярим ҳимоячисини ўзи кўрган энг ақлли футболчи деб ҳисоблайди.

Де Брюйне Чемпионлар Лигаси ярим финалида "Реал"га қарши учрашувда гол уриб, ҳисоб 1:1 бўлишини таъминлади.

"Де Брюйне ҳали ҳам "Манчестер Сити"нинг энг муҳим футболчиси. Мен кўплаб футболчилар билан ўйнаганман, машғулот ўтказганман ва бошқаларни кузатиб борганман. Кевин ҳаммадан ақллироқ.

Ҳеч ким майдонда де Брюйнечалик фикрламайди. У қойилмақом футболчи ва ўзга сайёрадан келганга ўхшайди", – деди Анри.

Анри бир неча йил Де Брюйне билан ишлаган. Франциялик мутахассис Роберто Мартинес даврида Бельгия терма жамоаси мураббийлар штабида эди.

31 ёшли де Брюйне жорий мавсум "Манчестер Сити" сафида 44 та ўйинда майдонга тушди. У 10 та гол урди ва 27 та голли узатмани амалга оширди.