"Англия Неймарнинг симуляция мактабини тугатган"

Замонавий футбол Терри Бутчер ёки Жон Террининг қонли жароҳатлари билан олдинга қараб кетмоқда. Бир вақтлар Винни Жонс Пол Гаскойннинг ўша жойидан ушлаганида ҳам ҳакамлар ҳеч нима демаганди.

Англиядаги футболнинг ўзгарганига анча бўлди: шавқатсизлик, қаттиқ кураш, женльменларча ўйин яхши ташкил қилинмаган техника, нозик финтлар, ёрқин артистизмнинг ортига яширинди. Худди футболчилар қарияларнинг хазиллари остида, тунги кийимда ёстиқларни бир-бирига отиб "эркакларча" жанг қилаётгандек.

Симуляция ва бошқа бир неча ғирром йўллар тўп билан ўйналадиган спорт турининг қандайдир жиҳатларини ёпиб қўяётгандек. Бу яхшими ёки ёмон билмадим, буни барча ўз таъбига қараб баҳоласин.

Колумбияга қарши Англия тактик томондан кучли ўйин кўрсата олгандир: Гарет Саутгейт жамоаси Пикфорд жарима майдончаси яқинида барча зоналарни ёпиб қўя олди, майдоннинг ҳар бир қисмида жиддий тарзда кураш олиб боришди, рақибларга амалий жиҳатдан деярли ҳеч нима қолдирмади. Аммо улар қўшимча дақиқаларда кураш давом этишини ҳисобга олишмаганди. Урибенинг узоқ масофадан берган зарбаси ва бурчакдан оширилган тўп Колумбиянинг фойдасига ишлади.

Британияликлар ўйинни назорат қила олди, голли вазиятларда дарвозалар ишғол қилинганида инглизлар 3:2 ҳисобида ғолибликка эришган бўларди. Аммо колумбияликлар тоза ўйнаб, пенальтилар сериясигача етиб бора олишди. Инглизларга ўхшаб шубхали пенальти тепишмади. Бироқ бир жиҳатни тушуниш керак: "уч бошли шерлар" рақиб дарвозаси олдига боришга ўч бўлди. Бироқ бир факт бор: ўйин ғолиблари класс бобида жанубий америкаликлардан ўтиб кета олишди. Биз 1/8 финал босқичининг энг зерикарли ўйинларидан бирини томоша қилдик.

Энди сарлавҳага жавоб берамиз, Москвадаги ўйин фақатгина ухлатиб қўядиган даражада бўлмади, ифлос даражада ўтди. "Англия Неймарнинг симуляция мактабини якунлаган", - деб ёзди ўйин тугаганидан кейин инглиз журналисти.

Буюк "Ливерпуль"нинг сардори, ҳар доим ўзини жентльменларча тутадиган Жордан Хендерсон билан бўлган вазиятда нималар содир бўлди? Ҳа, у чаккасига бўлган зарбасидан кейин "ўлиб қолди".

Харри Магуайрдек улкан гавдага эга бўлган ҳимоячи билан қандай вазият бўлди? У пенальти ишлаш учун ёнидаги кичиккина рақибининг олдида йиқилиб тушди. Унинг жамоадошлари эса бош ҳакам Марк Гейгерга босим ўтказишди.

Жесси Лингардга нима бўлди? У ҳеч ким тегмаса ҳам Колумбиянинг жарима майдончаси ичида йиқилди. Унга Санчес умуман ҳалақит қилмаганди.

Триппьерчи? У қанотда тўпни эгаллаб олди, ёнида рақиб борлигини ҳис қилди ва шунчаки йиқилди. Худди ёнидаги баҳайбат кучукдан қўрққан ит каби. Ифлослик!

Албатта, колумбияликларда ҳам театр актёрлари каби ҳаракатлар бўлганди: Фалькао ўзидан ўзи ётиб олгандек кўринди. Очоа Магуайрнинг ортидан айёрлик билан зарба берди. Кейн пенальти тепишидан олдин кимдир нуқтани босиб, нотекис қилиб қўйди. АҚШлик ҳакам эса ўйин тизгинини ўз қўлидан чиқариб юборди ва барчаси оғирлашиб кетди.

Англия ЖЧ тарихида илк марта пенаьтилар сериясида ғолибликка эришди. Бу улар учун катта натижа. Аммо улар чемпионликка чиройли ўйин кўрсатган ҳолда эришмоқчи бўлсалар, бу одатни йўқотиш керак. Бўлмасам, инглизлар кейинги босқичдан кейин уйига бориб, бувисининг эртакларини эшитиб ўтиришади.

Миржалол Норматов таржимаси