Latest news

17:28"CAFA Nations Cup-2025". Қирғиз Республикаси — Туркманистон 0:0 (онлайн ҳисоб)  6 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  3 15:37"Челси" — "Фулхэм". Таркиблар маълум  5 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  0 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  2 14:41Расман: Нкунку "Челси"дан "Милан"га ўтди  1 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  1 12:45Ўзбекистон терма жамоаси октябрь ойида Малайзияда Уругвай билан ўйнайди   12 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  7 12:13"Барселона" ва яна учта клуб "Интер" футболчисига даъвогарлик қилмоқда  1 11:48Хойлунднинг янги клуби маълум  1 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  5

Андижонлик мухлислар терма жамоамиз ўйинини сабрсизлик билан кутмоқда, лекин... News

Андижонлик мухлислар терма жамоамиз ўйинини сабрсизлик билан кутмоқда, лекин...

Хабарингиз бўлса керак, Ўзбекистон ёшлар терма жамоаси 21-25 март кунлари водийда Саудия Арабистони ёшлар терма жамоасига қарши назорат учрашувида майдонга тушиши маълум қилинганди.

Табиийки, ЎФАнинг ушбу қарори водий халқини беҳад қувонтириб юборди. Айниқса андижонлик мухлислар учун ҳақиқий байрам бўлди. Сабаби «Соғлом авлод» стадионида ҳозиргача терма жамоамиз сира ўйин ўтказмаганди.

Муҳтарам юртбошимиз ўз чиқишларида ҳар гал энг аввало халқнинг кайфиятини кўтариш асосий вазифаларимиздан бири эканлигини айтиб ўтмоқда.

Бунинг самараси ўлароқ, яқинда МОҚ раиси, ЎФА биринчи вице-президенти Умид Аҳмаджоновнинг шахсан ўзи Андижонга ташрифи чоғида, махаллий ишқибозлар билан учрашиб, Андижон халқининг кайфияти учун ҳам терма жамоамиз учрашувини айнан бизнинг вилоятда ўтишига қарор қилганини таъкидлаганди. Бу эса Андижон халқини бехад шод этмай қолмади.

Аммо, лекин, бироқ...
Эшитишимга қараганда куни-кеча Андижонга ЎФАнинг махсус ишчи гуруҳи ташриф буюриб, шаҳардаги «Соғлом авлод» стадионининг бугунги холати билан яқиндан танишди.

Айтишларича, стадиондаги жамоалар кийиниш ва ювиниш хонаси,  талаб даражасида эмас. Дарҳақиқат, шундай. Агарда бу борада керакли ишлар олиб борилмаса, жамоалар учун шароитлар яратилмаса Ўзбекистон - Саудия Арабистони ўйинини Андижондан олиб қўйиб, бошқа вилоятга бериб юбориши ҳам ҳеч гап эмас. Шунинг учун шахсан ўзимни ва минглаб андижонлик ашаддий ишқибозлар номидан шуни илтимос қилардимки, Андижон вилояти ҳокимининг масъул ходимлари, вилоят жисмоний тарбия ва спорт бошқармаси, Андижон вилоят футбол ассосиацияси, Андижон олимпия захиралари коллежи, «Соғлом авлод» стадиони, «Андижон» футбол клуби раҳбарияти ўз ишига жиддий ёндошиб, вилоятимиздаги биринчи рақамли стадион бўлиб турган «Соғлом авлод» стадионидаги шароитларни талаб даражасига келтирилса мақсадга мувофиқ бўларди.

Акс холда, Андижон халқи терма жамоамизнинг уй ўйинидан мосуво бўлиши турган гап.



Шунинг учун ҳамма масъул ходимлар бир ёқадан бош чиқариб, чин кўнгилдан ишлаб, стадионимиздаги холатни ижобий кўринишга келтириб берса, халқ хурсанд бўларди.

Андижонда 3 200 000 аҳоли бор, шундан 20 фоизи футболнинг ашаддий ишқибози саналади десам, хато бўлмаса керак. Албатта Саудия Арабистонидек Осиёда ўз номига эга бўлган терма жамоани вилоятимизга ташрифи биз учун катта байрам. Ишончим комилки, вилоятимиз ҳокими Ш.Қ.Абдураҳмонов ҳам бу борада масъул шахсларга керакли топшириқларни беради ва Наврўз байрамига биз андижонликларга хақиқий байрам қилиб беради.

Бунга жавобан андижонлик футбол ишқибозлари ҳам 25 март кунги ўйинда мухлислик  даражаси қандай бўлишини барчага кўрсатиб қўяди. Фақат шу куни Андижонда терма жамоамиз ўйнаса бўлгани. Ҳақиқий жонкуяр мухлислар бизда эканлиги аниқ. Хуллас стадионни тайёрлаш Сизлардан, мухлислик қилиш биздан!!!


Нодирбек Тўйчиев

Rating: +29   

Comments

championat.asia
< show latest news
Яндекс.Метрика