Алимов ва Файзиев навбатдаги йиғинга чақирилмади
30 dec 2013 16:28
News

Алимов ва Файзиев навбатдаги йиғинга чақирилмади

Ўзбекистон олимпия терма жамоаси декабрь сўнггида Тошкентда йиғин ўтказди.

Январнинг бошида Шуҳрат Мақсудов жамоаси хорижий йиғинни ўтказиш учун БААга учиб кетади. Ушбу йиғинга ҳимоячи Шерзод Файзиев билан ҳужумчи Наврўз Алимов чақирув олишмаган. Катта эҳтимол билан бу футболчилар Уммондаги U-22 Осиё чемпионатига боришмайди.

Жамоа устози Шухрат Мақсудовнинг "CA"га берган хабарига кўра олимпия терма жамоаси футболчилари 3 январь куни тиббий кўрикдан ўтишади. 5 январь куни эса делегация БААга йўл олади.

Уммонда бўлиб ўтадиган 2014 йилги U-22 Осиё чемпионати баҳсларида Ўзбекистон терма жамоаси «D» гуруҳида Ироқ, Саудия Арабистони ва Хитой терма жамоаларига қарши баҳс олиб боради. 11-26 январь кунлари бўлиб ўтадиган мусобақадаги илк ўйинни Шуҳрат Мақсудов шогирдлари 12 январь куни Хитойга қарши ўтказади.

Link :

Source : championat.asia

Receive latest football news directly on your phone. Subscribe for our Telegram channel!

Rating: