Latest news

01:50УХХХХХХ! "Ал Ҳилол"нинг собиқ бош мураббийи "Ал Насср"ни бошқаришга рози бўлди  0 00:54Расман: Поль Погба - "Монако" футболчиси!  2 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  1 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  2 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0 23:38Виталий Левченко: "Агар реализация яхшироқ бўлганида, ўйин натижасини ҳал қилиб бўлган бўлар эдик"  15 23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  7 22:50Уильямсни сотиб олса ҳам "Барселона" Рэшфордни трансфер қилишга уриниб кўради  5 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  4 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  70 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  67

"Қайсидир чизиқларни кучайтиришга уриниб кўрамиз. "Машъал"нинг салоҳияти кучли бешликка киришга етади". Александр Хомяков билан интервью News

"Қайсидир чизиқларни кучайтиришга уриниб кўрамиз. "Машъал"нинг салоҳияти кучли бешликка киришга етади". Александр Хомяков билан интервью

Муборакнинг "Машъал" жамоаси Тошкентдаги йиғинни давом эттирмоқда.

Жамоа айни пайтда кунига икки маҳалдан машғулотларни олиб боришмоқда. Кеча футболчилар "Бунёдкор" академиясида шуғулланди. Ҳусусан жамоа аъзолари дастлаб туғилган кунини нишонлаган Дониёр Усмоновни ўзгача табриклаш билан машқларга киришишди. Маълумот ўрнида айтиб ўтиш жоиз аксарият клублар қатори "Машъал"ҳам футболчиларнинг жисмоний ҳолатини назорат қилувчи "Fitogether" техникасидан фойдаланмоқда. Биз шу ва бошқа саволлар билан машғулот олдидан жамоа бош мураббийи Александр Хомяковнинг фикрларини тингладик. 

- Александр Андреевич ортда қолган турлар давомида нима ўхшади-ю ёки аксинча сиз ўйлагандек бўлмади...

- Ҳозир бу ҳақида нимадир дейиш қийин. Ўхшамаган нарса бу ўзимизга керакли очколарни жамғара олмаганимиз. Суперлигада юзага келган танаффус фойдамизга ишлайди, деб ўйлайман. Танаффусдан олдин АГМКни мағлуб этдик ва қайсидир маънода кўтаринкилик берди. Лекин ўйинимизда мен қониқмаётган айрим деталлар бор. Айни пайтда ўша етишмаётган нарсаларни тўлдириш устида ишлаяпмиз. Тошкентдаги йиғинимиз давомида 3та ўртоқлик учрашувида майдонга тушишни режалаштирганмиз. Биринчи ўртоқлик баҳсида "Сўғдиёна" билан ўйнадик. Мана шу учрашувларда ўйинимизни яхшилашни мақсад қилганмиз. Ҳужумда ва ҳимоядаги муаммоларимиз кўзга ташланяпти. Ишлашда давом этамиз. 

- Биринчи турда "Бунёдкор"га қарши ўйиндан сўнг жамоамнинг салоҳияти ҳақида ҳали тўлиқ фикр билдира олмайман, деган эдингиз. Орадан маълум вақт ўтди. Хўш, бу борадаги фикрларингиз ўзгардими?

- Яна айтаман, жамоамнинг салоҳияти юқори. Шундан келиб чиқиб айтишим мумкинки, кучли бешликка киришга салоҳиятимиз етади. Мен шунинг учун "Машъал"га келдим. Бунинг учун руҳият масаласида янада кўпроқ ишлашимиз керак. Футболчилар ўз кучига ишонишлари зарур. Бу уларнинг қўлидан келади. 

- Укеме Уильямсни "Насаф" машғулотларида кўрдик. Мазкур ҳолатга аниқлик кирита оласизми?

- Ҳозирча унга позиция топа олмаяпман. Мен кучайтиришни истайдиган чизиқлар бор. Трансферлар ойнасида легионер ва маҳаллий футболчиларни олиш қийин. Чунки легионерларимиз лимити бор. Унинг ўрнига бошқа футболчи олсак, легионерлардан бирига жавоб беришимизга тўғри келарди. Укеменинг салоҳияти ёмон эмас. Лекин биз ҳозир бошқача футбол ўйнамоқдамиз. Укеме Уильямс "Насаф"нинг услубига мос. Менимча фойда келтира олади. Яна ўйлаб кўрамиз. 

- Ёзги трансферлар ойнасида жамоада қандай ўзгаришларни кўрамиз?

- Ҳозир аниқ бирор нарса айта олмайман. Албатта клуб раҳбарияти ва селекция бўлими ишлашмоқда. Қайсидир чизиқларни кучайтиришга уриниб кўрамиз. 

- Янги технология сифатида футболимизга кириб келган, футболчиларнинг жисмоний ҳолатини назорат қилувчи "Fitogether" техникаси ҳақида фикрингиз қандай?

- Айни пайтда бу қурилмага ўрганиш ва мослашиш жараёни кетяпти. Футболчиларнинг тезлиги, қанча частотада югираётгани, уларнинг функционал ҳолатини билишда ёрдам беради. Бунга албатта вақт керак. Ўйлайманки, бу фойдамизга хизмат қилади. 

Абдулазиз Искандаров суҳбатлашди. 

Rating: +6   

Comments

championat.asia
< show latest news
Яндекс.Метрика