Александр Лобанов: "Фақат ғалаба учун майдонга чиққан эдик"
13 nov 2015 11:45
News

Александр Лобанов: "Фақат ғалаба учун майдонга чиққан эдик"

Ўзбекистон терма жамоаси дарвозабони Александр Лобанов КХДР устидан қозонилган ғалабдан (3:1) сўнг, ўйин ҳақида фикр билдирди.

"Фақат ғалаба учун майдонга чиққан эдик. Бундай рақиб билан гуруҳда биринчи ўрин учун курашсанг, асосийси натижа бўлиб қолади ва шу сабабли дуранг қайд этишга ҳам ҳаққимиз йўқ эди. Ҳаммаси яхши якунланди.

Стадионни тўлдириб, бор кучи билан бизни қўллаб-қувватлаган мухлисларга алоҳида миннатдорчилик билдираман, бунақаси анчадан бери бўлмаган эди. Асосийси улар доимо терма жамоага ишонишса бас.

Яман яна бир бора кучли рақиб эканлигини исботлади. Улар билан жуда қийин ўтказдик, кореяликлар уларни 1:0 ҳисобида ютди. Яман билан ўйинга жиддий тайёрланамиз. Имкониятни қўлдан чиқариш мумкин эмас" - дейди Лобанов.