Latest news

06:34ЖЧ-2026 саралаши. БАА – Ўзбекистон 0:0, Орзулар ушалган ўйин  3 02:49Қозоғистон термаси матбуот котиби: "Ўзбекистонга кўчиб кетаман"  16 02:34Одил Ҳамробеков: "Бу билан тўхтаб қолишни истамаймиз"  3 02:16Равшан Эрматов: "Бу ғалаба ўз-ўзидан келиб қолмади"  12 01:55Миллатлар лигаси. 9та гол урилган ўйинда Испания Францияни қийинчилик билан мағлуб қилди ва финалга йўл олди   54 01:41Осиёда яна катта байрам: Иордания ўз тарихида илк бор ЖЧда иштирок этади  11 01:21ЖЧ-2026 саралаши. Бизнинг гуруҳдаги барча масала ҳал бўлди  16 01:13Тимур Кападзе: "Бу ғалаба ҳаммамизники"  12 00:59Сречко Катанец: “Мен жуда қисқа гапираман…”   41 00:46Аббосбек Файзуллаев: "Ҳиссиётларни тасвирлаб бера олмайман"  13 00:35Ўткир Юсупов: "Бугун ота-онамнинг дуосини олиб, дарвозам даҳлсизлигини сақлаб қолишни ният қилиб тушгандим"  16 00:13Жанни Инфантино Ўзбекистонни жаҳон чемпионати йўлланмаси билан табриклади  25 23:52Тимур Кападзе: "Биринчи навбатда муҳтарам Президентимиз ва халқимизни ғалаба билан табриклайман"  44 23:45ЖЧ-2026 саралаши. Саудия Арабистонининг тақдири сўнгги турга қолди  7 23:30Ўзбекистон Республикаси Президенти Шавкат Мирзиёев футболчиларни табриклади  41

Александр Крестинин: "Яратган вазиятларимизнинг учдан бир қисмини голга айлантира олганимизда ҳам бугун ғалаба қозонган бўлардик" News

Александр Крестинин: "Яратган вазиятларимизнинг учдан бир қисмини голга айлантира олганимизда ҳам бугун ғалаба қозонган бўлардик"

Суперлига 15-туридан ўрин олган "Локомотив" - "Олимпик" учрашувидан сўнг (1:1) мезбонлар бош мураббийи Александр Крестинин учрашув ҳақидаги фикрлари билан бўлишди.




- Ўйин ҳақида

- Ўйин қийин ўтди. Натижадан норозиман. Етарли вазиятлар бўлди. Яратган вазиятларимизнинг учдан бир қисминиголга айлантира олганимизда ҳам бугун ғалаба қозонган бўлардик. Битта гол ғолиб бўлиш учун етарли бўлмади.

-"Локомотив"да иккинчи даврага тайёргарлик қандай ўтди? Жамоа тайёргарликни хорижда ўтказган ягона жамоа бўлди.

- Тайёргарлик яхши ўтди, назорат ўйинлари ўтказдик. Барча режаларимизни амалга оширдик. Жамоада бир-бирига мослашиш жараёни ҳам ўтди.

- Жамоага сафига келиб қўшилган янги футболчилар ҳақида гапириб ўтсангиз. Трансферлардан кўнглингиз тўлдими?

- Ўз имкониятларимиздан келиб чиққан ҳолда трансферларни амалга оширдик. Яхши ўйинчилар билан шартнома туздик. Энди эса адаптация учун вақт керак.

- Жамоа ҳисобда олдинга чиқиб олганидан сўнг бироз ҳимоявийроқ ўйнагандек туюлди. Бунга нима сабаб бўлди?

- Йўқ. Биринчи бўлимда биз бундай ўйнамадик. Танаффусдан сўнг сиз айтгандек ўйин кўрсатдик, лекин биринчи бўлимда бундай ўйнамадик.

 - Сиз жамоага келганингиздан сўнг ҳар бир учрашувдан сўнг "Локомотив"нинг ўйин сифати яхшиланмоқда дея айтмоқдамиз. Лекин натижалар борасида яхши эмаслиги аниқ. Бугунги ўйинда жамоа ўйини яхшиланганини сездингизми?

- Ҳар бир жамоа ғалаба учун ўйнайди. Биз сўнгги уч баҳсдан буён мағлуб бўлмаяпмиз. Биз босқичма-босқич кучаяпмиз, вазиятлар яратаяпмиз. 

- Рогач огоҳлантириш сабаб ўйинни ўтказиб юборди. Унинг ўрнига майдонга тушган Анзур Исмоиловнинг ҳолати қандай? Анзур Исмоилов жароҳат сабаб бир муддат ўйинларда иштирок этмаётганди.

- У жароҳат сабаб икки ярим ҳафта ўйнай олмади. Ҳозир эса унинг ҳолати яхши.

- "Локомотив" қишда ҳарид қилинган икки нафар легионер Крайишник ва Булатович билан шартномани бекор қилди, лекин шунга қарамай ёзги трансферлар ойнасида яна икки нафар легионер футболчи билан шартнома имзоланди. Крайишник ва Булатовичлар хато трансфер бўлганлиги тан олиндими?

- Сиз айтиб ўтган икки нафар футболчи жамоани тарк этганидан сўнг биз мағлуб бўлмаяпмиз.

- "Локомотив" жамоаси мавсум аввалида жамоани ёшартирганига ва буёғига академия ва ёшлар билан ишлашга катта эътибор бериши эълон қилганди. Жамоага келиб қўшилган икки ёш футболчи Шодибоев ва Ўктамовларга асосий жамоада имконият бериладими?

- Имконият беришимиз аниқ. Шодиёрга имконият бердик. Озодбек Ўктамовга ҳам ишонч билдиришимиз аниқ. Бугун уни майдонга туширмоқчи эдик, аммо ўйин биз режа қилгандек кечмади.

Rating:    

Comments

championat.asia
< show latest news
Яндекс.Метрика