"Ал Насср" Руди Гарсиянинг жамоадан кетганини эълон қилди, клубнинг янги мураббийи маълум
13 apr 2023 19:34
News

"Ал Насср" Руди Гарсиянинг жамоадан кетганини эълон қилди, клубнинг янги мураббийи маълум

Саудия Арабистонининг “Ал Насср” клуби Руди Гарсиянинг клуб бош мураббийлигидан озод қилинганини расман эълон қилди.

Қайд этилишича, томонлар ўзаро келишувга кўра хайрлашган. “А Насср” раҳбарлари француз мутахассисига клубдаги фаолияти учун миннатдорчилик билдирди.

Руди Гарсия ўтган ёздан бери “Ал Насср”ни бошқариб келаётганди. Мутахассис қўл остидаги 26 учрашувда жамоа 18 ғалаба, 5 дуранг ва 3 мағлубият қайд этган.

Жамоани эндиликда арабларнинг U-19 клуби устози Динко Еличич бошқаради.

Эслатиб ўтамиз, мавсум ўртасида португалия ҳужумчи Криштиану Роналду "Ал Насср" сафига келиб қўшилганди. Жамоа ҳозирда Саудия Арабистони лигаси турнир жадвалида иккинчи ўринда бормоқда. “Ал Насср” эса “Ал Иттиҳод”дан 3 очко ортда қолмоқда.

Link :

Source : twitter.com/AlNassrFC_EN

Receive latest football news directly on your phone. Subscribe for our Telegram channel!

Rating: -7