"Ал Ҳилол" бош мураббийни ишдан бўшатди
21 feb 2018 09:29
News

"Ал Ҳилол" бош мураббийни ишдан бўшатди

Кеча Осиё чемпионлар лигасининг Ғарб минтақасида 2-тур баҳсларига якун ясалди.

Саудия Арабистонининг "Ал Ҳилол" клуби кеча "Истиқлол" меҳмони бўлиб, 0:1 ҳисобида мағлуб бўлди. Натижада "Ал Ҳилол" клуби раҳбари ўйин тугаган заҳоти бош мураббий Рамон Диасни ишдан бўшатди.

Бу хабарни "Ал Ҳилол"нинг Твиттердаги расмий аккаунти ҳам тасдиқлади. Ўтган йилги ОЧЛ финалчиси бу йил мусобақани яхши бошлай олмади. "Ал Ҳилол" дастлабки икки турдан сўнг гуруҳ жадвалида охирги ўринни эгаллаб турибди. Қолаверса, саудияликлар иккала ўйинда ҳам гол ура олишмади.

Эндиликда жамоани бунгача "Ал Ҳилол" U-21 жамоасида ишлаб келган Хуан Игнасио Браун бошқариб туради. Унинг ОЧЛдаги биринчи ўйини 6 март куни Қатарнинг "Ал Райан" клубига қарши кечади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +14