Акмал Шораҳмедов: "Ғалаба клуб учун ҳам, юртимиз учун ҳам муҳим эди"
10 feb 2016 09:00
News

Акмал Шораҳмедов: "Ғалаба клуб учун ҳам, юртимиз учун ҳам муҳим эди"

"Бунёдкор" клуби ҳимоячиси Акмал Шораҳмедов "Ал Шабаб"га қарши кечган ўйиндан сўнг ўз фикрларини билдирди.

"Бугунги ўйин биз учун ҳам, юртимиз учун ҳам жуда муҳим эди. Кейинги йилларда ОЧЛда клубларимиз сони кўпроқ бўлиши учун гуруҳ босқичига чиқишимиз шарт эди. Энди гуруҳдан чиқиш учун янада қаттиқроқ тайёргарлик кўришимиз керак".

"Гуруҳ босқичидан чиқиш учун деярли ҳар бир ўйинда ютишимиз керак. Насиб қилса Ўзбекистон учун ҳам муҳим очколарни келтирамиз. Ёш футболчилар Осиё чемпионлар лигасида иккинчи йил қатнашишади. Бу йил осонроқ бўлади", - дейди Акмал Шораҳмедов.