АГМКнинг ОЧЛдаги рақиби ғалабани тантана қилди
01 feb 2019 15:26
News
![](https://championat.asia/upload/storage/475049_original.jpg)
![](/upload/storage/475049_220.jpg)
АГМКнинг ОЧЛдаги рақиби ғалабани тантана қилди
ОЧЛ гуруҳ босқичига чиқиш йўлида АГМКга рақиблик қиладиган Душанбенинг "Истиқлол" жамоаси Босния ва Герцеговина клубини мағлубиятга учратди.
Ёмғир остида ўтган баҳсда Ҳаким Фузайлов жамоаси биринчи бўлимда рақибни қарши ҳужумда гол билан жазолашга муваффақ бўлди. Шериддин Бобоев "Истиқлол"ни ҳисобда олдинга олиб чиқувчи голга муаллифлик қилди. Иккинчи тайм эса ҳужумларга бой тарзда кечди. Қайд этиш керакки, танаффусдан кейин ҳар иккала жамоага қатор вазиятлар юзага келди. Бироқ гол уриш яна "Истиқлол" жамоасига насиб этди. Нозим Бобожонов учрашув якунига яқин ўйиндаги якуний ҳисобни ўрнатган голни урди - 2:0.
Шу тариқа "Истиқлол" жамоаси Анталиядаги йиғин доирасидаги иккинчи назорат беллашувида ғалабани тантана қилди. Бунга қадар Ҳаким Фузайлов шогирдлари Қозоғистон чемпионатининг бронза медаллари соҳиби "Тоболь" жамоасига (1:2) имкониятни бой беришганди.
Маълумот ўрнида: "Истиқлол" жамоаси сафида ўзбекистонлик футболчи Жалил Кимсанов фаолият кўрсатмоқда. "Қўқон-1912" жамоасининг собиқ футболчиси мазкур баҳсда захирадан майдонга тушди.
АГМКнинг ОЧЛ плей-офф босқичидаги рақиби Тожикистоннинг "Истиқлол" жамоасининг навбатдаги рақиби Даниянинг биринчи дивизион вакили "Кёге" бўлади. Мазкур назорат ўйини 3 февраль куни ўтказилади.
Назорат ўйини.
"Истиқлол" - "Челик" 2:0
Ҳакам: Бора Абаоглу (Туркия)
Голлар: Шериддин Бобоев (28), Нозим Бобожонов (88)
"Истиқлол": Рустам ятимов, Искандар Жалилов (Фируз Караев, 80), Алексей Ларин, Бахтиёр Қаландаров (Жалил Кимсанов, 55), Ахтам Назаров, Алишер Жалилов (Нозим Бобожонов, 65), Амирбек Жўрабоев (Эҳсони Панчшанбе, 55), Муҳаммаджон Рахимов (Комрон Турсунов), Фатхулло Фатхуллоев (Шаҳром Сулаймонов, 75), Сулейман Мухадов (Шаҳром Самиев, 77), Шериддин Бобоев (Виулен Айвазян, 60).
Эслатиб ўтамиз, ОЧЛ плей-офф доирасидаги АГМК (Ўзбекистон) - "Истиқлол" (Тожикистон) учрашуви 12 февраль куни Олмалиқ шаҳридаги АГМК ўйингоҳида бўлиб ўтади.
Similar news
![AMP Logo](https://championat.asia/image/logo-amp.png)
Comments