Афшин Аҳмади: "Эрон клублари ҳозир унчалик кучли эмас"
23 feb 2015 15:52
News

Афшин Аҳмади: "Эрон клублари ҳозир унчалик кучли эмас"

Шу вақтга қадар Эроннинг "Фулад" клубида ишлаб келган таниқли журналист Афшин Аҳмади эртанги ўйинлар олдидан ўз фикрини билдириб ўтди:

"ОЧЛ - жиддий мусобақа, бунда ҳар бир жамоа ғолиб чиқишни хоҳлайди. Лекин бу йилги ОЧЛда иштирок этаётган Эрон клубларини кучли дея олмайман. Эртага "Пахтакор" ўз майдонида "Нафт Теҳрон" билан куч синашади. "Нафт" ҳозир турнир жадвалида биринчи ўринда боряпти. Бу жамоа таркибида Ризойи, Падовани ва Бейранвад сингари кучли футболчилар бор. "Нафт" асосан қисқа паслар орқали ўйнашни хуш кўради".

"Насаф"нинг 1-турдаги рақиби "Тракторсози" ҳам ўзига яраша кучли клуб. Бу жамоа таркибида бразилиялик Эдиньо энг хавфли футболчи ҳисобланади. У ҳозир Эрон чемпионатида 14та гол билан билан тўпурар бўлиб турибди. Бундан ташқари, Меҳди Киани билан Саман Наримон Жаҳонни ҳам унутмаслик лозим".

"Умуман олганда, ўзбек клублари ҳар доим Эрон жамоаларига қарши омадли ўйнашган. Ўйлашимча, ҳозир Эрон жамоалари унчалик кучли эмас, шунингдек ўзбек клубларини ҳам олдингидек кучли дея олмайман. Менимча, ўзаро ўйинларда кўпроқ дуранг қайд этилса керак".

Х.Холиқов.

Link :

Source : championat.asia

Receive latest football news directly on your phone. Subscribe for our Telegram channel!

Rating: