Африка кубоги-2023 тўпурари терма жамоадан четлатилди
15 feb 2024 21:24
News

Африка кубоги-2023 тўпурари терма жамоадан четлатилди

Яқинда якунига етган Африка кубогида тўпурарга айланган Экваториал Гвинея ҳужумчиси Эмилио Нсуе "сирли" сабабларга кўра терма жамоадан четлатилди.

Экваториал Гвинея футбол федерацияси Нсуе ва унинг жамоадоши Эдо Сальвадорни номаълум муддатга терма жамоадан четлатилишини эълон қилди.

Баёнотда дисквалификациянинг асл сабаби ошкор этилмаган. Фақатгина турнир давомида Кот-дИвуар полициясининг аралашувини талаб қилган интизомсиз ҳаракатлар амалга оширгани айтилган.

Экваториал Гвинея турнирни 1/8 финалдаёқ тарк этганига қарамай, Эмилио Нсуе 5 та гол билан "Олтин бутса"ни қўлга киритди.

Link :

Source : Экваториал Гвинея футбол федерацияси

Receive latest football news directly on your phone. Subscribe for our Telegram channel!

Rating: +1