Абдувоҳид Неъматов: "Миллий терма жамоада берилган имкониятдан фойдаланиш керак"

Бугунги машғулотлар бошланишидан олдин иқтидорли ёш дарвозабон Абдувоҳид Неъматов фикрларини билдириб ўтди.

"Миллий терма жамоа либосида майдонга тушиши ҳар бир футболчининг орзуси ва мақсади ҳисобланади. Бунга етишганимдан хурсандман. Миллий жамоада берилган имкониятдан фойдаланиш керак. Мураббийлар терма жамоа йиғинига жалб қилишмоқда ва учрашувларда ишонч билдиришяпти. Барчамизнинг мақсадимиз Жаҳон чемпионати йўлланмасини қўлга киритиш. Умид қиламанки халқаро учрашувларда юртимиз шарафини муносиб ҳимоя қилиб байроғимизни баландга кўтарамиз. 

Бўлажак ўйинлар ҳақида нима десам бўлади, араб жамоалари тўпсиз ҳаракат қилишни ёқтирмайди. Ўз ўйинимизни тўғри йўлга қўя олсак ҳаммаси биз учун яхши бўлади деб ўйлайман",- дейди Абдувоҳид Неъматов.