Абдусамад Дўрмонов “Сурхон” бош мураббийи
27 jan 2018 19:47
News

Абдусамад Дўрмонов “Сурхон” бош мураббийи

Аввал хабар берганимиздек, Термизнинг “Сурхон” жамоаси раҳбарияти бош мураббий масаласини кўриб чиқаётганди.

Бугун жамоага янги бош мураббий тайинланди. Унга кўра, эндиликда “Сурхон” натижаларига Абдусамад Дўрмонов жавоб беради. Дўрмоновларнинг тўнғичи учун Сурхондарё футболи бегона эмас. Чунки Абдусамад Чоршанбиевич илгари футболчи ва мураббий сифатида “Сурхон”да фаолият юритган. Ўтган мавсум Фарғонанинг “Нефтчи” жамоасида ёрдамчи мураббий бўлиб ишлаган Абдусамад Дўрмонов “Сурхон”га бош мураббий сифатида қайтди. Унга эндиликда маҳаллий мураббийлардан Вали Келдиев ва Александр Корнейчук кўмаклашади. Рустам Дўрмонов эса жамоага спорт директори этиб тайинланди.

Про-лига вакили бўлмиш “Сурхон” 27 январдан расман ўз қароргоҳида ўқув-йиғин машғулотларини бошлайди.