Latest news

17:13"Наполи" Аллегрига бир мавсум учун 6 миллион евро таклиф қилиши мумкин  0 16:26Музаффар Музаффаров жамоаси билан тарихий натижа қайд этди   5 16:22"Милан" Рейндерснинг нархини "Манчестер Сити"га маълум қилди  1 15:57"Жирона" — "Атлетико". Таркиблар маълум  0 15:47"Арсенал" "Милан" етакчиларидан бирига қизиқиш билдирмоқда  0 15:17Расман: Хаби Алонсо — "Реал" бош мураббийи  5 14:48"Атлетик" бош мураббийи "Барселона"нинг Уильямсга қизиқиши ҳақида гапирди  4 14:12"Интер" "Рома" футболчисини харид қилмоқчи  4 13:43"Ливерпуль" бразилиялик ҳужумчи харидини кўриб чиқмоқда  0 13:05Сергей Чигодаев - Ўзбекистон U-16 терма жамоасининг CAFA U-17 кубогидаги илк ўйини ҳақида  2 12:35"Челси" икки дарвозабонни кўриб чиқмоқда  2 12:04Тен Хаг топ клубга бош мураббий бўлмоқда  7 11:23"Реал" ПСЖ юлдузини харид қилмоқчи  6 11:00Каору Митоманинг янги жамоаси деярли аниқ  3 10:34Кевин Де Брюйне “Наполи“да қанча маош олиши маълум  3

Абдураҳмон Фозилов: “Чипта олишдаги қийинчиликлар ҳақиқий фожеа” News

Абдураҳмон Фозилов: “Чипта олишдаги қийинчиликлар ҳақиқий фожеа”

Ўзбекистон терма жамоаси мухлислар клуби етакчиси Абдураҳмон Фозилов кечаги Эрон билан ўйиндан сўнг ўз фикрларини билдирди.

- Мухлислар клуби сардори сифатида айтингчи, мухлисларнинг чипта олишда қийинчиликка учраётгани Сизни хавотирга солмаяптими?
- Хавотирга солмаяптими? Бу хавотир эмас, бу фожеа! Ушбу муаммо аввало мухлислар кайфиятини 0 даражага тушириб юборди, касса олдидаги оломон тиқилинчи, ғараз
чипта олиб сотарларнинг ҳийла найранглари, 25 000 – 30 000 сўмлик чипталар 50 000 – 150 000 сўмгача сотишгани ҳеч кимга сир эмас, қани айтингчи ўз нархидан 2-3 баробар қимматга сарсон саргардонлик билан олинган чипта билан футболга кирсангиз сизга алам қилмайдими?
“Бунёдкор” стадиони мен кўрган стадионлар орасида энг аъло ва яхши стадион, шарт-шароитлар барчаси мухлис учун, лекин минг афсус  барчасини ғаламис нафс қуллари, нафс гадолари пучга чиқармоқда! Ўйлайманки, Хитой билан бўлиб ўтадиган ўйинда бу камчиликларнинг олди олинади, олинмаса биз мухлислар ўзимиз нимадир қилишимиз керак!

- Кечаги “мозайка”нинг ўхшамаганига асосий сабаб нима бўлди?

- Эрта тонгдан ҳаракат қилиб стадионнинг иккинчи қавати 5та секторига бирма-бир рангли қоғозлар қўйиб чиқдик, барчаси режадагидек эди, лекин мана бир неча ўйинлардан бери режамизни 100 фоиз амалга оширишга қийналамиз.

Сабаби оддий: стадионга биринчи бўлиб кириб келган одамлар ўзига "ёқиб қолган" рангни бошқа сектор ёки ён атрофидаги ўриндиқдан олиб бошқа жойга тагига "кўрпача" қилиб ўтириб олиши бўлмоқда. Хаттоки волонтерларимизнинг илтимослари ҳам ёрдам бермаяпти. Нима ҳам қилардик, ҳаракатда ва изланишларда давом этамиз.


- Мухлисларга Хитой билан ўйиндан олдин нима деган бўлардингиз?
- Рости бир нарса дейишга ҳам ҳайронман, биз мухлислар нима бўлганда ҳам терма жамоамизни қўллаб-қувватлашда давом этамиз. Сабаби бизда бошқа ватан йўқ, битта терма жамоамиз ҳам битта! Айтишадику ота-она ва ватан танланмайди! Барчамиз жамоамизни бир тану, бир жон бўлиб қўллаб-қувватлайлик, ҳақиқий 12-ўйинчига айланайлик!

Агар яна шу чипталар масаласига келсак, мендан Ўзбекистон - Эрон учрашувига юзлаб яқинларим чипта сотиб олишга ёрдам сўрашганида уларга ёрдам бермадим, битта маслахат бердим холос: Ўйин бошланишига 20-30дақиқа қолганида стадионга келсангиз олиб сотарлардан ўз нархига оласиз, 10 дақиқа олдин эса хаттоки арзон ҳам оласиз, дедим.

Азиз мухлислар келинг барчамиз бирлашиб "улар"га қарши кучга айланайлик ва олиб сотарлардан умуман чипта олмайлик!

“Бир икки марта ўйинни твда кўрсак кўрибмиз ёки стадионга 10-20 дақиқа қолганида келиб чипталарни 50 фоиз арзон нархда сотсанг оламиз” дейлик. Ишонаман иккита ўйиндан кейин улар банкрот бўлишади!


Rating: +42   

Comments

championat.asia
< show latest news
Яндекс.Метрика