Абдулла Абдуллаев: “Мақсадимиз – ОЧЛ гуруҳ босқичига йўлланма олиш”

Мавсум якуни борасида

- Олдимизга чемпионлик вазифаси қўйилганди. Шунингдек, Осиё Чемпионлар лигасига тўғридан-тўғри йўлланма олиш вазифаси қўйилганди. Мақсадимиз йўлида интилдик. Лекин буни бажара олмадик. ОЧЛга йўлланма олдик, лекин саралаш орқали ўз иштирокимизни бошлаймиз.

Эгаллаган ўрни ҳақида

- Ўйлашимча, биз мавсумни 4-ўринда тугатишимизга сабаб таркибимиз янгиланди. Ўз ўйинимизни топиб олиш учун вақт керак бўлди. Мавсум ўртасига келиб бир-биримизни тушуна бошладик. 

ОЧЛ саралаши хусусида

- Биз ҳам бошқалар сингари саралаш баҳсларини муваффақиятли тугатишга интиламиз. Ўйлайманки, АГМКда имконият бор ва ундан фойдаланишга ҳаракат қилади. Асосий мақсадимиз ОЧЛ гуруҳ босқичига йўлланма олиш.

Кейинги мавсум ҳақида

- Назаримда кейинги йилги мавсум янада қизиқарли ўтади. Чунки 90 фоиз жамоалар ҳозирги таркибни сақлаб қолишга уринади. Бу эса клубларни янада кучли бўлишини ва чемпионат баҳслари қизиқарли ўтишини таъминлади.