А Серия собиқ ҳаками “Ювентус”да иш бошлади. Унинг 2012 йил “Катания”га қарши баҳсдаги қарори эътирозга сабаб бўлган
25 jul 2022 08:40
News

А Серия собиқ ҳаками “Ювентус”да иш бошлади. Унинг 2012 йил “Катания”га қарши баҳсдаги қарори эътирозга сабаб бўлган

Tags : Ювентус А Серия Катания Лука Мажани

А Серияда қанот арбитри сифатида фаолият олиб борган Лука Мажани “Ювентус”да иш бошлади.

Италиялик собиқ лайнсмен “Юве”да ҳакамлик билан боғлиқ масалалар билан шуғулланади, қолган тафсилотлар эса очиқланмаган.

Эътиборлиси, 2012 йил Мажани “Ювентус” иштирокидаги ўйинда “Катания”нинг голи бекор қилинишига сабабчи бўлганди. Аввалига бош ҳакам голни қайд этган, аммо қанот арбитри билан суҳбатдан кейин қарорини ўзгартирганди. Мазкур баҳсдан сўнг эса “Катания” президенти Антонио Пульвиренти Лука Мажанини туринликларга мухлислик қилишда айблаганди. Бироқ, Италия ҳакамлар ассоциацияси буни рад этган.