Latest news

10:49ФИФА кунлари бошланди. Миллий жамоа Кувайт ва Уругвайга қарши. Қолган ёш тоифасидаги терма жамоаларимиз кимлар билан ўйнайди?  4 10:48Жеррард мураббийлик фаолиятини давом эттиришга яқин  1 10:24ОФК ЎФАни катта миқдорда жаримага тортди  23 10:23"Бавария" Англия терма жамоаси футболчиси билан музокараларни бошлади  1 09:56Ўзбекистон МТЖ собиқ футболчиси Каннаваронинг тайинланиши ҳақида: "Ассоцация қандай мезонларга таянганини билмайман"  19 09:20Туркиялик футболчининг трансфер нархи 80 миллион евро этиб белгиланди  0 08:59ФИФА президенти яна бир бор Ўзбекистон ҳақида фикр билдирди  3 08:15"Челси" январда 50 миллион фунтлик трансферни амалга оширмоқчи  0 07:45Ўзбекистон МТЖ собиқ футболчиси Каннаварони терма жамоаси устози бўлгани ҳақида фикр билдирди  7 01:57"Интер" кетма-кет 5 та пенальти қайтарган дарвозабонни сотиб олмоқчи  1 01:18Левандовски билан можаро сабаб ишсиз қолган мутахассис Қозоғистон терма жамоасини бошқариши мумкин  6 00:49"Бавария" "Барселона", "Ливерпул" ва "Реал" қизиқаётган ҳимоячи билан боғланди  0 00:15Жейми Каррагер: "Ливерпуль" деярли баскетбол жамоасига айланиб қолди"  1 23:31УЕФА "Барселона" ва "Милан"га АҚШ ва Австралияда ўйин ўтказишга рухсат берди, лекин ташкилот миллий лигалар ўйинларини чет элда ўтказишни қўллаб-қувватламайди  1 22:31ФИФА президенти Ўзбекистон терма жамоаси бош мураббийини табриклади  42

40 ёшигача майдонда жавлон урган Абдумажид Тоиров 46 ёшга тўлди News

40 ёшигача майдонда жавлон урган Абдумажид Тоиров 46 ёшга тўлди

Ўзининг 40 ёшида ҳам профессионал даражада тўп тепиб, ўзбек футболида ўзига яраша из қолдирган тажрибали ҳимоячи Абдумажид Тоиров бугун ўз таваллуд кунини нишонлаяпти.

Абдумажид ака бугун 46 ёшга тўлдилар. Метин ҳимоячи сифатида танилган Тоиров 1996 йили Термизнинг АСК клубида профессионал футболчилик фаолиятини бошлаган. Беш йил давомида “Сурхон” клуби шарафини ҳимоя қилган футболчи 2000 йили Фарғонанинг “Нефтчи” жамоаси сафига бориб қўшилади. Айнан водий жамоаси таркибида у фаолиятидаги юлдузли онларини ўтказган, десак янглишмаймиз.

Олти йил мобайнида “Нефтчи” сафида ўйнаган Абдумажид Тоиров кейинчалик “Тўпаланг”, “Қурувчи”, “Олмалиқ”, “Хоразм”, “Андижон”, “Навбаҳор” жамоалари шарафини ҳимоя қилди. “Нефтчи” таркибида мамлакат чемпиони бўлди. Тўрт марта Ўзбекистон кубогининг финалида ўйнади, лекин бу совринни ютиш насиб қилмади.

Олти йилдирки, Абдумажид ака мураббийлик фаолиятини олиб боряпти. Биз бугун оиласи даврасида таваллуд айёмини нишонлаётган Абдумажид Тоировдан фаолияти хусусида қисқача интервью олдик.

- Абдумажид ака, бугунги кунда мураббийлик фаолиятини олиб боряпсиз. Бу фаолият қандай бошланган?


- Албатта, футбол ўйнаб юрган кезларимдаёқ, бир кун келиб мураббий бўламан, деб ўз олдимга мақсад қўйгандим. Фаолиятимнинг сўнгги йилларида ўзимни шунга тайёрлаб бордим. Кўз тегмасин, ҳозирча ҳаммаси кўнгилдагидек кетяпти.

- Мураббийлик сиз ўйлагандек қийин эканми? Чунки, футболчилик даврида бу сизга билинмаган бўлиши мумкин. Мана энди мураббийларга осон эмаслигини тушуниб етяпсизми?


- Ҳа, бошида озгина ноқулай эди. Сабаби, мен ҳамиша мураббий қаршисида туришга ўрганиб қолгандим. Энди эса аксинча, футболчиларга юзма-юз турибман. Уларга футбол ўйнашни ўргатишим керак. Вақт ўтиши билан ўзим учун янги оламга кўникиб боряпман. Биласизми, агар қилаётган ишингиз сизга маъқул келса ва ундан қайсидир маънода қониқиш хосил қилсангиз, ўша сиз айтган қийинчиликлар билинмайди. Тўғри, мураббийлик иши осон эмас. Лекин машғулот чоғида шунчалик жараёнга киришиб кетасизки, баъзи муаммоларни тамомила унутасиз. Худдики, сиз билан футболчилардан ташқари ҳеч нарса йўқдек атрофда.

- Футболчилик фаолиятингиздан кўнглингиз тўлганми? Ҳар ҳолда 40 ёшингизгача тўп тепдингиз. Бўлди, фаолиятингни тугат энди, деганлар бўлганми?


- Албатта бўлган. Бобур ака Ҳайдаров шундай деб кўп ҳазиллашардилар. Фаолиятимдан кўнглим тўлган. Фақат Ўзбекистон кубогини қўлга кирита олмаганимдан кўп ҳолатларда афсусланаман. Озгина аламли ҳам бўлган. Чунки тўрт маротаба кубокнинг финалида ўйнаганман.

Келинг, шу ўринда ният қилайлик, Абдумажид Тоиров футболчилик даврида эриша олмаган ютуқларига мураббий сифатида эришсин! Бугунги таваллуд айём эса яна бир бор муборак бўлсин!


Rating: +2   

Comments

championat.asia
< show latest news
Яндекс.Метрика